السلام عليكم ..
اولا . اسف على عدم كتابتي في الفترة الاخيرة بسبب انشغالي بالجامعة .
الموضوع ومافيه ان البارحة رحنا اللي يسمونها ندوة ( محاضرة) في فندق بالمعارض ودخلنا ولا ندري عن موضوع المحاضرة ولا شي . المهم . وقف واحد وقام يعطينا من وقته ويتكلم عن تجربته عن المشروع وشلون تغيرت حياته في عشرة اشهر و انه لو مايحبك اللي دعاك ما يابك<<جابك . و و و لكن بعد 10 دقائق قال ان صديقة الحميم اللي راح يلقي المشروع مو هو .
ورحب بصديقة وقام صديقة وعاد معظم الكلام اللي قاله الاول وبعدين سمعته يقول “التجارة الالكترونية” ! على طول انشد انتباهي الى اللي بقولة .
وقام يتكلم عن شركة على الانترنت بدأت في نهاية التسعينيات براس مال 10 مليون دولار والان تملك 1 بليون دولار . وانها تعتمد على :
– في التجارة العادية تخرج البضاعة من المصنع و تذهب الى الموزع العالمي وبعدها الى الوكيل المحلي وبعدها الى المحل واخيرا الى الزبون .
المصنع –> الموزع العالمي –> الوكيل المحلي –> المحل البائع ( التاجر) –> الزبون
وكل واحد من هؤلاء الخمسة (المصنع , الموزع العالمي , المحل البائع ) يريد ربحا
وكمثال :: الفأرة (الماوس)
تظهر من المصنع بسعر كمثال دينار واحد وتصل الى الزبون بـ4 دينار (كمثال) .. انزين (حسنا) وين راحت الـ3 دينار . ؟
طبعا توزعت على الاربعة ( الموزع العالمي , المحل البائع ). بنسب معينه .. عمل الشركة هو ايصال البضاعة من المصنع الى الزبون مباشرة عن طريق الانترنت . واعطاء نسبة اكبر الى المصنع لتوصيل
وكمثال : (على المثال السابق) بدل بيع المصنع الماوس بـدينار واحد يبيعها بـ1.5 دينار ولكن مع توصيل الماوس الى الزبون مياشرة . وتأخذ هذه الشركة النسبة الباقية
ما علينا من الكلام اللي فوق . انته كأنسان عادي تروح تشترك في هذه الشركة ويعطونك ID وشروط الاشتراك هو ملأ استمارة و دفع رسوم الاشتراك وشراء اي شيء من منتجات الشركة (مختصة في الاشياء الثمينة و النادرة), وعندما تنتهي من الاشراك لازم تخلي اثنين يشتركون عن طريقك (واحد يمين وواحد يسار) وبعد هذا يرسلون لك مبلغ . وبعد ما يشتركون اللي على يمينك ويسارك لازم يسوون نفس ما سويت ( ملئ استمارة + شراء اي شي من الشركة) وكل واحد يدعوا اثنين وراح تصير الطريقة كالشجرة . وكل 9 يدد (جدد) يشتركون تحتك يعطونك المبلغ نفسة
طيب .. يعني الشركة راح تدفع من عندها لتعطيك ؟ . طبعا لا ولكن تس, الموزع العالمي , المحل البائع حب من عندك وعند غيرك وانته ما تدري >
انته لما اشتريت المنتج راحت النسبة مالت ( الموزع العالمي , المحل البائع ) الى الشركة وبعد ما دعيت اللي على يمينك ويسارك يعطونك مبلغ من اللي اخذوه من النسبة وطبعا النسبة راح تكون كبيره لأن المنتجات غالية جدا جدا .ولما يشترك اللي دعاه يمينك كمثال راح يقسمون النسبة بينك وبينه . وصارت السالفة كلها نصب واحتيال .. بالتوفيق ان شاء الله