السلام عليكم ورحمة الله وبركاته .

ليش ما يسوون في البحرين حلبة الى الدرفت ؟ موجود عندنا في البحرين حلبة للفورميلا 1 وموجود حلبة الى الدراق Drag والحمد لله . والحين الشباب كلهم يلغمون سياراتهم الى الدراق بدل ما كانوا يلفمونها الى الشوارع وهذا الشي كان يسبب حوادث مميته الله يبعدنا ان شاء الله , اكثر من 300 سيارة كل مرة يدخلون الى الدراق يجربون سياراتهم “Test” ويهدون مع بعض في الحلبة بدل ما يهدون عند دوار 13 في مدينة حمد و في شارع اخبار الخليج في مدينة عيسى وشارع مدينة حمد العام,

حلبة الدرفت ماراح تكلف مبلغ كبير , لأانه مجرد ارض مسطوحة بالاسفلت و مدرج الى الجمهور وانارة . الحلبة موجوده في الامارات والمشاركين فيها ما شاء الله سيارات حلوة كثيرة , بدل ما يسوون درفت في الشوارع .و حلبة الامارا بسيطة وتعجبني في تصميمها

حاليا في البحرين اكثر المناطق شهرة الى الدرفت هو “الفنس” في سترة والعدلية وساحل ابوصبح وفي مدينة حمد . وهذي الاماكن تلقى جمهور كبير . لأن هذي الرياضة حلوة جدا وتحس بالمتعة في الدرفت 

الدرفت هو فن تلويت السيارة يمين ويسار بأختصار شديد هو “التخميس” كل واحد ياخذ راحته في الحلبة ويخمس مدة معينة وبعدها يدخل الي بعده , ويقيم الجمهور اداء كل سائق بالحركات اللي يسويها مثل كم فرة عمل و كم المسافة اللي مشاها وهو معترض .