قامت اللي يسمونها وزارة الاعلام بحجب مواقع وايد وشخطت منهم مواقع البروكسي و المواقع اللي اوقات تستخدم للبروكسي مثل مواقع الترجمة , الموضوع اخذ صداه مع الناس والصحافة ففي صحافة الوفاق كتبت عن الحجب العنصري ووضعوا صورة لتواقيع واحد من اعضاء منتدى بحريني . والمدونين كتبوا عن الحجب , ففي النهاية مافي احد وافق على الحجب !

لما تركز في الموضوع شوي تستنتج ان الحجب تم بين ليلة وضحاها ! فهذا يفسر في ان اما اللي تولى هذا الامر واحد “نذل” استلم كل المواقع والطرق اللي ممكن تفتح المواقع المحجوبة فبدأ بمواقع البروكسي اللي حاصلة على اول نتائج البحث في قوقل وبروكسيات اللي قدر يطلعها من قوقل ومن “الربع” . او ان قائمة المواقع يتَ من دولة شقيقة شغال الحجب فيها Live و Online و حتى هوتميل اوقات يحجبونه عندهم “م.ع.س”.

بالنسبة ليي اتمتع بفكر اني افتح اي موقع ابغي افتحه من عدة طرق حتى لو حجبوا مواقع البروكسي والترجمة فهذا اعتبره سلاح ابيض .

عملوا عريضة ياريت لو كل من يمر على هذي الصفحة يوقع في العريضة لعلى وعسى

في امان الله