يا هلا
اهل حقا ما يقال عن الاطباء ملائكة الرحمة ؟
في نهاية هذه التساؤلات انا لا اقصد شخص معين ولكن هذا حال الطب في بحريننا
[تحديث]
الحال ايضا جدا مؤسف في مستشفى السلمانية الطبي اللي يعتبر اكبر مشفى في البحرين . لو طلع اسعاف لمريض فلا اتوقع انه يطلع من منطقة السلمانية بدون ما ياخذ له 10 الى 15 دقيقة في الزحام اللي ماله مفر . ونفس الشي لما يرجع الى المستشفى. يعني المريض يموت والسبب تخطيط الشوارع الصح والنظرة المستقبلية لتوزيع الاراضي والاماكن المختاره . طيب والحال ما يتغير لما تحب تروح المستشفى لأي سبب مثل زيارة او علاج او موعد . تدخل السلمانية وتنتظر 30 الى 60 دقيقة في الزحام والتحويلات والتصليحات اللي ماليه الشوارع اللي جنب السلمانية . ولما توصل بحمد الله وسلامته تعال وانتظر ساعة ثانية تدور لك على مكان توقف فيه سيارتك . والحال اللي زيد الوضع ان موظفين المستشفى اللي المفروض لهم مواقف خاصة يوفقون خارج المجمع او على ارصفة الشوارع داخل المساحة المخصصه للسيارات الموظفين !. طيب في نهاية الامر وصلت بحفظ الله الى المستشفى . يالله ! كأنك في يوم المحشر ! واحد رايح وواحد راجع ومقعد يمين وشايب يسار . والكل مشتركين في شي واحد وهو الانتظار . اليوم كان عند الوالدة موعد الساعة 7:30 حسب مافي الاوراق . الساعة 9:00 لم يدخل احد على الدكتور الى الحين ! والنرس خبرت الوالدة انها اول مريض على الدكتور ! يعني حضرته الى الحين ما شرف والعالم جالسه تنتظر . وفي الاخير ما يبغون الناس تتذمر ولا تصارخ ولا تتخذ اجراءات ولا تشتكي ! يعني مو كفاية ان بين الموعد والموعد اكثر من 20 يوم بعد لما تروح للموعد تنتظر ساعة ونص او ساعتين الين ما يشرف حضرت الطبيب بسلامته ! وش هالحالة . هو مستشفى لعلاج او لأذلال المرضى ؟ ثاني شي موضوع الارقام ! النظام جيد ومتطور وحضاري نوعا ما ولكن لازم يدرس الموضوع قبل ما يطبق ! يعني مسن عمره تجاوز السبعين سنه شلون راح يقرأ الرقم؟ ووش يعني “كاونت” بالنسبه له ؟ اوراق الموعد بالانجليزي مافي مشكلة ممكن يستعين باحد اولاده او احفاده ولكن وقت انتظار دوره ! ممكن ظروفه ما تسمح الى احد يكون معاه ! او حتى ممكن يكون نظره ضعيف ! طيب ناخذ الموضوع من البداية بالارقام … موعدك الساعة 7:30 طلعت من البيت 7:00 وصلت 7:50 و الى 8:15 البحث عن موقف .. واخذت رقم للأشعة وانتهيت من الانتظار وعمل الاشعة واخذها الساعة 9:20 انتظار حضرة الطبييب والدخول عليه ساعة ونصف منها 5 دقائق فقط زمن الموعد الفعلي اي وصلت للساعة 11:00 بعدين رقم يديد للصيدلية وانتظار من يديد الى الساعة 11:40 . ايضا رقم يديد وانتظار لأخذ موقع يديد 12:15 . الحصيلة 5 ساعات لموعد 5 دقائق , 4 تذاكر ارقام , موعد بعد على الاقل 20 يوم
في مختلف بدان العالم العربي ستجدهم امامك
المغرب كذالك نحن نسميهم هنا الجزارون لانهم يستغلون المرضى اشد استغلال
كلامي موجه الى البعض منهم فقط
ماشاء الله يعطيك الف الف عااافيه
في ميزان الحسنات انشاء الله
سدد الله خطاك في دروب الخير
يعني من انا الي الك بتشجع الشخص يقرأ مدونتك لدرجة كراهية النت لأجلك….بالمناسبة , الصدفة لعبت دور غبي دفعتني اقرا سطر من انا حقق( كلمة حقق بالبحريني)…التوقيع :شاب فلسطيني يقرأ من اجل فلسطين
